ဇာတ်ကားတွေကို မြန်မာစာတန်းထိုးမယ်

မနေ့က စာတန်းထိုးဖိုင်တွေကို ဘယ်လိုဒေါင်းရမယ်ဆိုတာ ပြောပြခဲ့ပြီးပါပြီ။

တစ်ခုပြောဖို့ကျန်ခဲ့ပါတယ်။

အင်္ဂလိပ်စာတန်းထိုးဖိုင်တွေကို ဒေါင်းမယ်ဆိုရင် ဖိုင်တွေက များလွန်းတဲ့အတွက် ဘယ်ဟာကအကောင်းဆုံးလဲဆိုတာ ရွေးရခက်နိုင်ပါတယ်။

အဲဒီတော့ English Subtitles ရှာချင်ရင် ဝက်ဘ်ဆိုဒ်မှာ သွားမရှာပါနဲ့။

Google မှာ ကိုယ်ရှာချင်တဲ့ဇာတ်ကားနာမည်ကို ရိုက်ထည့်ပြီးရှာပါ။

ဥပမာ - Frozen ရဲ့ English Subtitles ကို ဒေါင်းချင်တယ်ဆိုရင် Google မှာ Frozen English Subtitles လို့ရိုက်လိုက်ပါ။

Subscene လိပ်စာနဲ့ပေါ်လာတဲ့လင့်တွေကိုသာ လိုက်နှိပ်လိုက်ပါ။ အဲဒါတွေက အများအားဖြင့် မှန်တာများပါတယ်။ ကျွန်တော်ကတော့ အဲသလိုပဲ ရှာပါတယ်။

မနေ့က ရေးပေးထားတဲ့ပို့စ်ကို ဖတ်ချင်ရင် Movie Locos ကိုနှိပ်ပါ။

ဒီနေ့တော့ Gom Player နဲ့ ဘယ်လိုစာတန်းထိုးရမလဲဆိုတာ ပြောပြပါမယ်။

အရင်ဆုံး Gom Player ကိုဖွင့်လိုက်ပါ။

၁ - Preferences ကိုနှိပ်ပါ။

၂ - Subtitles ဆိုတာကို ထပ်နှိပ်ပါ။

၃ - ဖောင့်နေရာမှာ Zawgyi/ Win-Innwa ပြောင်းပေးလိုက်ရင် ရပါပြီ။

တစ်ခါတစ်လေမှာ ဇာတ်ကားကထွက်တဲ့အသံနဲ့ ထိုးတဲ့စာတန်းဟာ လွဲနေတတ်ပါတယ်။

အဲသလိုဖြစ်ရတာဟာ Frame Rate မတူလို့ပါ။

ဖိုင်ဆိုဒ်သေးသွားအောင် ချုံ့လိုက်တဲ့အခါ Frame Rate ကလည်း ပြောင်းသွားတတ်ပါတယ်။

အများအားဖြင့် ၂ စက္ကန့် ၃ စက္ကန့်စာလောက် ကွာသွားပါတယ်။

အင်္ဂလိပ်စာတန်းထိုးဖိုင်တွေကတော့ ကိစ္စမရှိပါဘူး။

အများကြီးဆိုတော့ တစ်ခုမဟုတ်တစ်ခု လျှောက်စမ်းကြည့်ပေါ့။

မြန်မာစာတန်းထိုးဖိုင်တွေကတော့ တစ်ခုစ၊ နှစ်ခုစပဲ ရှိတာပါ။

အဲဒီတော့ စာတန်းထိုးဖိုင်ကို ပြန်ချိန်ပေးရပါမယ်။

အရင်ဆုံး ဇာတ်ကားကို Gom Player နဲ့ဖွင့်လိုက်ပါ။

ပြီးရင် Right Click - Subtitles - Subtitles Explorer ဆိုတာကို နှိပ်လိုက်ပါ။

ပုံထဲကလိုမျိုး ပေါ်လာပါလိမ့်မယ်။

ပုံမှာမြှားနှစ်ခုကို ဝိုင်းပြထားပါတယ်။

ဘယ်ဘက်ကိုလှည့်နေတဲ့မြှားက အနှုတ် (-)ပါ။ ညာဘက်ကိုလှည့်နေတဲ့မြှားက အပေါင်း (+)ပါ။

တစ်ချက်နှိပ်ရင် ၀.၅ စက္ကန့် (စက္ကန့်တစ်ဝက်) စာ ပြောင်းသွားမယ်။ နှစ်ချက်နှိပ်ရင် တစ်စက္ကန့်ပေါ့။

ဘယ်ဘက်ကမြှားကို နှိပ်ရင် စာတန်းက ပိုနောက်ကျမယ်။

ဆိုလိုတာက ပထမက 1:01 မှာပေါ်လာရင် နှစ်ချက်နှိပ်ပြီးတဲ့အခါ 1:02 မှာပေါ်မယ်။

ညာဘက်ကမြှားကို နှိပ်ရင် စာတန်းက ပိုမြန်မယ်။

ပထမတုန်းက 1:01 မှာပေါ်တဲ့စာတန်းဟာ နှစ်ချက်နှိပ်ပြီးတဲ့နောက် 1:00 မှာ ပေါ်မယ်။

ဒီလောက်ဆိုရင် စာတန်းချိန်နည်းကို နားလည်သွားလောက်ပါပြီ။

ခြွင်းချက်တစ်ခုတော့ ရှိပါသေးတယ်။ 

ဒီလိုမျိုးပြောင်းတာဟာ ဇာတ်ကားတစ်ကားလုံးစာကို ပြောင်းလိုက်တာ ဖြစ်ပါတယ်။

တစ်ကားလုံးစာ စာတန်းထိုးတွေ စောအောင်၊ နောက်ကျအောင် လုပ်လိုက်တာပါ။

တစ်ခန်းတည်းကိုပဲ ဖြတ်ပြီးတော့ လုပ်မယ်ဆိုရင်တော့ အဲဒီအခန်းနေရာကို သွားပြီး ရေးပြင်ရမှာပါ။

ကဲ...အဲသလိုပြင်ပြီးသွားရင် Save လုပ်ဖို့တော့ မမေ့ကြနဲ့နော်။

Save ပြီးသွားရင် ဇာတ်ကားဖိုင်ရှိတဲ့ Folder ကို ပြန်ကြည့်လိုက်ပါ။

.smi ဆိုတဲ့ ဖိုင်လေးတစ်ခု ပိုလာတာ တွေ့ရပါလိမ့်မယ်။

အဲဒါ ကျွန်တော်တို့ ပြင်လိုက်တဲ့ဖိုင်ပါပဲ။

မူလစာတန်းထိုးဖိုင်ကိုဖျက်လိုက်ပါတော့။ မလိုတော့ပါဘူး။

.smi ဆိုတာလေးကိုပဲ ဆက်သိမ်းထားရင် ရပါပြီ။

အားလုံးပဲ ကျေနပ်ကြမယ်လို့ မျှော်လင့်ပါတယ်။

ကျွန်တော့်ရဲ့ဖေ့စ်ဘုတ်ပေ့ခ်ျ Movie Locos ကို အားပေးကြပါဦးခင်ဗျာ။